我心目中的....空中花園
這是一間充滿人情味的民宿, 老板娘好好人, 我地打電話比瑞典假期,
問佢地可唔可以車我地由普羅旺斯到佢地果度, 佢地一口答應, 出面落緊雨, 如果我地推住行李上山, 一定好狼狽,
載我地嘅司機仲好好人咁先車我地去7仔買野先, 但我地話唔需要喇, 因為夜d會出去紙箱王食飯, 佢就問我地想幾點出去, 佢可以車我地去,
真係開心呀, 雖然只係十分鐘路程, 但夜麻麻行果條路出去都幾得人驚, 不過我地坐車沿路都見好多人經 e 條路步行返佢地嘅民宿
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我地食完 High tea , 由老英格蘭沿路行番去 普羅旺斯攞番d行李
e 間係....日光青境民宿
下午d天色開始唔多靚...好在我地上午去左青青草原
咩...菜 ? 咁大棵呀
睇地圖...由普羅旺斯行去瑞典假期...應該唔困難吖, 不過宜加落緊雨, 難得瑞典假期山莊老闆肯開車嚟接我地, 我地就坐喺普羅旺斯大堂等一陣啦, 佢話10mins 後到, 我地順便拎埋普羅旺斯免費送嘅下午茶, 外賣返去民宿慢慢嘆
嘩....原來地點位置於高位
, 比普羅旺斯更高更開揚 , 同香格里拉空中花園同一條路, 但係就最...入果間 
民宿面積都好大
我地就住最高果間房, 位置一流
房間對落就係酒店入口
e 邊係另一邊, 同樣可以見到好靚嘅景
民宿嘅佈置, 花園種嘅花...都好靚好靚
好喇....睇左咁多外景, 係時候入屋睇睇
e度係大堂 
唔知點解...會放張復古 baby 床 喺度呢
露台有一張搖搖椅tim....好正呀
我地行 4 層樓, 終於入房喇
可以觀星的洗手間
好舒服的大床
小游就最鍾意出露台 hea 同觀賞雲海同星星
我地酒店對開的另一間民宿...都好別緻架....叫做 " 玩皮家族" 我諗會少d香港人居住, 因為在有關清境民宿嘅網頁, 都好少見有介紹e 間民宿
但佢外觀好 young 好有活力, 佢嘅 view 當然唔及得我地咁好啦, 而e 間民宿最有趣的地方係....佢養左兩隻羊咩咩...
待續........
沒有留言:
發佈留言