小游一心嚟到只係諗住到此一遊, 影吓相就走, 但就因為我地冇去到妖怪村 ( 到現在都仲梗梗於懷 ) 時間多左好多出嚟, 我已經發現司機揸車越揸越慢.... ( 因為佢都知...突左好多時間出嚟 ) 佢嚟到日月潭, 已經開始 sell 我地遊船門劵, 又話有優惠畀我地, 原價 NT300 , 宜加半價可以了, 我同佢講...我在email 裹已經講左只會到此一遊, 唔坐船 ( 睇嚟...佢有d 失望wo )
最後因為時間上早 ( 行完都只係 12:15noon ), 我地去唔到妖怪村, 都要去吓佢間分店, 決定問佢分店喺邊, 佢話喺對面岸, 初初佢誤會我地迫佢揸車過去, 佢誅多藉口, 又話要撓路, 好免為其難咁....跟住我話...如果搭船直接d, 我地搭船啦, 佢真係吖, 好似鬆左一口氣咁, 馬上攞船票出嚟比我地
真係太過份喇 
就係咁....我地被迫停留 3 個鐘, 佢話 3 點嚟接番我地, 叫我地到左 call 佢
佢仲教錯我地在第一個站落船....寺廟嚟嘅, 仲超多大陸人 ....unlike
又要等多20mins 才有下一班船嚟 
今日真係...時雨...時晴
個碼頭浮吓浮吓識沃架
終於都到我地要去嘅地方 .... 伊達邵
浪費左3個鐘!!!
回覆刪除司機為左做你日月淡個生意...衰衰地
[版主回覆09/02/2013 02:55:47]我諗佢真係唔記得我地要去妖怪村, 如果唔係, 佢應該主動同我地講...話唔順路嘛, 但我真係有點激氣