台中公園
嚟到台中的第一站....就係去日曜天地, 即係台灣的 Outlet
日曜天地就在我地的旅店斜對面, 非常之近
我睇中 e 對波鞋, 大概 5 百幾蚊港紙, 可惜....冇我 Size
掙d 唔記得我地仲未食 Lunch, 我想試吓 e 度有名的亞水獅豬腳
果然好好味, d 豬腳好淋 好入味
之後我地經台中公園出發往一中街
嘩....好似 七, 八十年代的香港呀, 好浪漫呀
其實公園的面積都唔細, 而且碰啱今日係星期日 , 公園裹都幾多人,都係行快步去一中街罷了
另一個公園門口一出, 對面已經係一中街, 不過我覺得, 兜公園外圍行會快過入公園行去一中街
好有趣
竟然有我喜歡的品牌 ~ Scolar
咁多人排隊買, 唔通又係好好味
太熱太喝了, 細佬買左鳳梨冰, 而我就要 酸梅冰 , 大杯 NT25
都幾好飲
......待續
我想請問入清境包車係點計?
回覆刪除由台中到清境....
[版主回覆08/17/2013 02:56:26]我地包車一日 NT4000, 8 小時 , 由台中旅店出發,尾站在清境,
如果單一程由台中上清境 可選擇共乘車 NT350 一位, 回程平d, 由清境民宿到台中民宿 NT300 一位, 另外有一間在大巴上清境的叫 e-go, 我覺得佢貴, 又要依時依侯上車, 倒不如坐共乘車或包車仲好
我叫violet ^ ^ 因為想計劃一吓自由行！單程一日每位350都ok喎！
回覆刪除看見您post的照片相當吸引所以問吓，有關包車的情況。
好多謝您的回覆！
[版主回覆08/17/2013 23:21:16]單程是指由台中到清境, 中途冇景點wo ....
而包車一日八小時景點由自己決定
明白！包車限人嗎？
回覆刪除會限制停留時間嗎？除了包車外都有公車，聽聞公車班次少，但又較為化算！
都唔知點選擇好！
[版主回覆08/18/2013 01:13:17]包車唔限人數, 當然越多人越著數, 因為人數同價錢出入唔大, 如果你景點多, 停留的時間就一定會少d, 睇吓你想去邊, 仲要睇吓順唔順路, 我係先 send email 比司機同佢講我想去的地方有...., 如果佢覺得唔順路又或者唔同方向, 佢會用email回覆你, 出發時間,地點由你決定, 如果你想去的地方較多或較遠, 在台中只係留一兩日的話, 我建議你包車啦, 公車班次真係疏到可以半小時一班, 更甚都有..., 仲要係兜大圈, 原本半小時車程, 公車可以兜到個半鐘頭才到, 除非你有大把時間, 唔趕啦, 如果火車可以到的地方都話方便d, 你介唔介意分享你想去咩地方? 我再比意見你啦