17-2-2012 4pm1年了, 話咁快又一年, 但我成日都諗起你同 Bobby, 時間可以返轉頭就好了, 我會多D時間去陪你, 去了解你, 去愛你, 你地先後離開左我, 由如粉碎我生命一樣,
還記得初初你嚟到我屋企, 你真係天使般美麗, 你總愛要人抱, 出街唔鍾意自己行, 膽子又細, 但就鍾意成日亂0費, 令到屋企人唔鍾意你, 又唔聽話周圍小便....
但我好記得我在漁農處接你返嚟時你那種雀躍, 那種興奮, 那種期待, 你害怕我再次放低你, 你那種恐懼...我仍然好記得.
同你生活左十二年了, 你走時應該都16,17歲了, 雖然我見唔到你最後一面, 但我知...我一定承受唔到, 我感恩..神一直掌管同帶領我, 使我懂得點樣去處理.
多謝你臨走前一日,仲識得比反應我, 叫你時識得望吓我, 餵你時仲好好胃口, 如果唔係一定令我好擔心唔知點做好
沒有留言:
發佈留言